Kush është tradhëtari e kush patrioti?! VMRO DPMNE dhe LSDM vazhdojnë akuzat e ndërsjella rreth Marrëveshes për zgjidhjen e kontestit rreth emrit.

“LSDM hoqi dorë nga populli i vet. Për vetëm një vit, qeveria e LSDM-së, me Zoran Zaevin në krye e fshin historinë shekullore maqedonase, por edhe e rrezikon të ardhmen e një kombi të tërë”- akuzon VMRO DPMNE. Partia e Mickovskit, pretendon se me nënshkrimin e marrëveshjes, Zaev ka heq dorë nga emri maqedonas, identiteti dhe gjuha maqedonase, prandaj sipas kësaj partie nënshkrimi kësajmarrëveshje nënkupton kapitulimin e një populli në historinë botërore.

“Maqedonasit nuk do të mësojnë më histori maqedonase por histori të aprovuar nga komisionet greke. Kjo marrëveshje e paraqet Maqedoninë si një tregim të ri të sajuar artificialisht.”- thuhet në kumtesën e VMRO DPMNE-së.

Mirëpo, LSDM hedh poshtë pretendimet e VMRO DPMNE-së.

“Edhepse Marrëveshja është publikuar, VMRO DPMNE në opozitë guxon të gënjejë opinionin dhe të nënçmojë inteligjencën e qytetarëve. Në marrëveshje qëndron qartë se prioritet u jepet endonimeve” – thuhet në kumtesën e LSDM-së.

Partia e Zaevit, fton VMRO-në që t’i bashkangjitet procesit për zgjidhjen e kontestit dhe t ëmos e frenojë të ardhmen e Maqedonisë.

“Në interest ë qytetarëve dhe shtetit, VMRO DPMNE duhet të ndalojë me lajmet e rrejshme dhe të përfshihet në procesin që siguron zgjidhje për kontestin 25 vjeçar, që përforcon dhe mbron identitetin, veçantitë dhe gjuhën maqedonase.” – thuhet në kumtesën e LSDM-së.